|
][الكويت الغالية ][
×?°نشرت في العدد 70 ×?°
قصه شروق الشمس
مابدت أمس
حكايه أطول من سوالف عود
لأطفال الفريج
قصه الما ..والجناين والاريج
سوالف السيف العتيج
ماهو عبث.. حطها الله تاج
في راس الخليج
قصه الحب والحنين
فيــ شايب أكبر مـ السنين
قال بسجوده ياإلهي ليت
جنه الدنيا فـ بيت
قام الله اعطاه الكويت
من فرق الملح
بين الصبايا والشواطي والعيون
من سيل الما في الغصون
غير الكويت الغاليه
لعيونها كلش .. يهون
عندي امل
تجفف أفراح اللقا ودمع همل
عندي امل وايد كبير
باكر يجي صوت البشير
يبشر عيون الحيارى
بالنصر ورجوع الاسير
وش ينفض العهن
عن وجه شمس الصبح ويرد الكسوف
عن جيد مياس هنوف
هي الكويت الغاليه
حنا أهلها وإنتوا الضيوف
هذا البحر
لو ياخذ وجيه النواخذ ماضفر
عندي امل وايد قريب
باكر جروح أهلي تطيب
ويعود محبوب الحبايب
الغايب اللي مايغيب
والشايب اللي من سنين
قال بسجوده خاشع ياليت
اهل وفاهم بالوفى له صيت
قم الله أعطاه الوفى كل الوفى
أهل الكويت
| 
